⛔🆘Asasina Prezidan Jovenel Moïse: Jij Jean Roger Noëlcius bay manti nan tribinal federal Miami

Lè oligak ak politisyen asasen deside yo pral touyé Prezidan Jovenel Moïse yo monté yon operasyon ki rélé operasyon Bolivi. Andedan operasyon sa te gen yon wòl pou lajistis ak dwazimen. Nan plan sa te gen wòl tou pou pastè legliz, oligak, aktè politik, kèk jounalis, USGPN, Cat Team, òganizasyon teworis Fantòm 509 elatrye.

Nan analiz sa nou pral voye je sou wòl lajistis ak dwazimen nan manda ilegal ki touyé Prezidan Jovenel Moïse 7 Jiyè 2021.

Pou touyé Prezidan Jovenel Moïse oligak ak politisyen kriminèl pral fabrike yon manda ilegal. Pou fabrike manda ilegal sa Pierre Espérance pral manipile dosyé la saline nan ak konplisite jij koupyon Jean Wilner Morin. Aprésa Pierre Espérance pral monte yon tribinal premyè enstans paralèl ak Jean Roger Noëlcius jij de lekip ke li péyé 30 mil dola vèt ke Réginald Boulos te bali pou achté manda ilegal sa. Men kopi manda ilegal la ⬇️:

Manda sa ilegal pou 2 rézon. Premyèman lè Espérance ak Noëlcius fè manda ilégal sa te gen yon lòt jij ki te deja ap jere dosyé la saline nan. Règleman jidisyè entèdi gen 2 jij enstriksyon anmenm tan sou yon dosyé jidisyè.

Dezyèman, selon manman lwa péyi dayiti, pou mété yon prezidan an fonksyon atè pouvwa jidisyè ak palman an dwe pase pa lawot kou jistis. Manman lwa péyi dayiti klè, pèsonn pa kapab sèvi ak yon jij enstriksyon pou detwui yon prezidan.

Lè Espérance finn achté manda ilegal la nan men jij Jean Roger Noëlcius li voyé Mario Beauvoir ki se avoka RNDDH e avoka Aristide al depoze manda ak yon lèt kouvèti nan anbasad meriken. Men kopi lèt la ⬇️:

Se ak manda ilegal Pierre Espérance ak Roger Noëlcius fabrike ke kriminèl ki nan operasyon Bolivi yo pral fè tantativ pou touye Prezidan Jovenel Moïse 7 Fevrier 2021 ak jij Ivickel Dabrésil nan Tibwa.

Lè yo arété jij Dabrésil lajistis ak lapolis jwen sou li kopi manda ilegal yo te fè kont prezidan an. Menm koté a Pierre Espérance kouri fè Jean Roger Noëlcius ak Mario Beauvoir kite péyi dayiti al kaché kanada an pasan pa Sendomeng paske komisè gouvènman Bedford Claude te lagé yon manda dèyè l. Men kopi manda darè kont Noëlcius ⬇️:

Apré oligak ak politisyen asasen yo enstale Ariel Henry nan primati a, avoka Dimitri Vorbe Bertho Dorce, yo nonmen moun pa yo e Jij de lekip nan CSPJ ak kou kasasyon pou bloke, manipile, sabote dosye ankèt asasina prezidan an pou pwoteje kriminèl, gade sa ⬇️:

Aprésa Bernard St Vil pral nonmen Walther Wesser Voltaire yon jij enstriksyon de lekip, ki sòti nan menm pati politik Verite-Inite ak Ariel Henry e Dimitri Vorbe, pou ankète, fè rapò ak òdonans sou asasina Prezidan Jovenel e tantativ asasina sou Premyè Dam Martine Moïse.

Jij koupyon Voltaire pral fè disparèt 80% sak te nan rapò 900 paj ankèt direksyon santral polis jidisyè (DCPJ). Lap fè disparèt toub korespondans ant Réginald Boulos e pastè Christian Emmanuel Sanon. Jij koupyon Voltaire pral fè disparèt manda ilégal la, rekizitwa sipletif denfome ki montré wòl Ariel Henry nan touye Prezidan Jovenel Moïse. Asasen yo fè plizyè lòt dosyé klé disparèt. Men kopi rekizitwa sipletif la ⬇️:

Poutèt deba Stanley Lucas ka mennen ankèt dépi 57 mwa pou idantifye kiyès ki touyé prezidan an ak premyè dam nan fè sou radyo, kozé manda ilegal la retounen nan diskisyon piblik. Youn nan pati yo redepoze manda ilegal la nan kou dapèl pòtoprens an 2025. Bagay sa pral anpeche kriminèl yo ak konplis yo dòmi.https://youtu.be/a-DFvzGLAKk?si=NVhzIawdYpnLUs5n

Reyalite sa fòse jij koupyon kou dapèl pòtoprens Denis Cyprien ki nan montaj ak kriminèl mande tande temwayaj jij koupyon Jean Roger Noëlcius. Olyé jij koupyon Denis Cyprien mande ekstradisyon Jean Roger Noëlcius li bay tèt li komisyon rogatwa pou al tandel Canada. Quelle affaire?

Lè Pierre Espérance wè sakapase li kouri monte Canada al ranjé bouch Noëlcius ak Beauvoir pou yo konn kisa pou yo reponn Noëlcius e si yo gen pou yo temwaye nan tribinal federal Miami. Yo rélé sa manipilasyon temwen. Nan fè manipilasyon temwen pou pwoteje asasen yo Pierre Espérance komèt yon krim grav.

Lè Noëlcius ap temwaye devan tribinal federal Miami nan eksplike poukisa li te komèt akt ilegal nan ekri manda a, li di se paske li te pè pou jan Beauvoir te palé avèk li. Li te pè pou yo pat kidnape. Se manti. Asasen yo mandé jij Noëlcius siyen manda pou yo an echanj kòb se paske li se yon jij de lekip. Asasen yo iyore jij Chavannes Etienne ki ofisyèlman tap jere dosyé sa paske li pat jij de lekip. Kidonk lè Noëlcius di tribinal federal Miami li siyen manda ilegal la paské li te pè li bay manti.

Dezyèman lè jij koupyon Jean Roger Noëlcius di manda ilegal la te fèt lavèy 7 Fevrier 2021 anvan yal fè tantativ pou touye Prezidan Jovenel Moïse nan abitasyon Tibwa ki pou Vorbe yo, li bay manti.

Manda ilegal la fèt e anrejistre nan paj 55 rejis, kayé tribinal premyè enstans pòtoprens dépi Fevrier 2019. Men 2 lèt ki montré sa ⬇️:

Temwayaj manti e manipilasyon sa yo Noëlcius fè nan tribinal federal Miami se Pierre Espérance ki te prepare yo pou li nan dènye vwayaj li fè nan Montreal Canada.

Se pousa lè yon jounalis Ayiti mandé Pierre Espérance eske lap reponn a konfwontasyon Félix Badio Joseph mandé poul fè avèk li, Espérance di yon grannèg tankoul pa kapab al chita ak yon kriminèl tankou Badio. Lè jounalis la ensiste, Espérance tankou yon moun kap kaché yon bagay di an parabòl Jij pa kapab konvoke li. Koute reyak son Esperance la:
https://youtu.be/nXnuimietNs?si=kjL1r0M-e8mLRBhp

Nan kad operasyon Bolivi pou touye Prezidan Jovenel Moïse, Pierre Espérance jwé yon wòl klè nan pwopagand manti pré e pòs operasyonèl. Apré asasina prezidan an se li kite monté sou radyo Boulos la Vision 2000 pou di yo jwen 54 milyon dola vèt kay prezidan an. Aloske tribinal federal Miami montre se 16 mil dola ayisien yo jwen nan chanm prezidan an. Antonio Palacios Palacios te volè 2 mil 600 dola ladanl. Li te volè tou montre prezidan an, montre a bonjou Premyè Dam Martine Moïse.

Apré asasina prezidan an Pierre Espérance fè plizyè tantativ pou sal kadav li. Espérance ataké pitit prezidan an Joverlein Moïse li trete de dekenkan e nan kanpay de denigreman kont Premyè Dam Martine Moïse limenm fè dè komantè pa anba ki gen karaktè seksyèl sou radyo karayib.

Pierre Espérance dwe anbakòd pou enplikasyon li nan touyé Prezidan Jovenel Moïse e tire Premyè Dam Martine Moïse 7 Jiyè 2021.