🛑 Devwa mémwa: 20 Out 1996 Aristide fè touyé Pastè Antoine Leroy 28 Out 2020 Dimitri Vorbe fè touyé Monferrier Dorval

Pa Anbasadè Stanley Lucas

Pastè Antoine Leroy se te yon gwo dirijan pati politik MDN ki tap kritike Prezidan Jean Bertrand Aristide nan radyo pou move jesyon kòb léta li t ap fè. Pati MDN ki te dirijé pa Hubert Deronceray te gen yon strateji progrè ki te chita sou inite taktik devlopman nan chak seksyon kominal. Aristide te tèlman wè pati MDN kòm menas li te fè boulé lokal li 2 fwa.

20 Out 1996 Aristide voyé sekirite l nan palè nasyonal Milien Romage touyé Pastè Antoine Leroy. Romage débaké kay pastè a ralé l sòti devan lakay li ak anpil sovajeri epi bali plizyè bal devan madanm e pitit li e asasinen li.

Pou rémèsyé Milien Romage pou krim sa Aristide pral chwazi e voyé Romage kòm kandida pou depité anba banyè pati fanmi lavalas. An 2018 – 2021 ou pral jwen Milien Romage ankò nan violans péyi lòk avèk SDP-MOPÒD André Michel, Evalière Beauplan, Nènèl Cassy, Kato elatryé.

Jis jounen jodia mwa out 2025 lajistis poko janm fè Milien Romage péyé pou krim sa. Mafya jidisyè a ak dwazimen nan men kriminèl yo.

28 Out 2020 Dimitri Vorbe fè touyé mèt Monferrier Dorval pou frekansite. Mèt Dorval nan maten 28 Out la fè yon interview sou radyo magik 9, tandé la:
https://m.soundcloud.com/user-268726113/panel-magik-28-aout-2020-invite-monferrier-dorval

Gen 2 répons li bay jounalis Robenson Geffrard ki pral kozé asasina li. Premyé répons lan, mèt Dorval di Prezidan Jovenel Moïse gen dwa fè réferandòm nan pou chanjé konstitisyon péyi dayiti. Yon bagay ki fè oligak ak alyé yo ki nan opozisyon politik violan move anpil. Oligak yo pat vlé sistèm pezé sousé ak leta ke yo kaptiré chanjé. Yo tout te kanpé anfas Prezidan Jovenel Moïse.

Opozisyon an a travè André Michel, Danton Leger elatrye te ralé manchèt pou di yo pap kite pèp la voté nan referandòm sa ki tapral chanjé konstitisyon an pou rann fonksyonnman léta pi efikas.

Dezyèm répons lan, apré kesyon jounalis Robenson Geffrard poze, mèt Dorval réponn limenm kòm avoka kliyan ke li genyen pa detèmine pozisyon politik li. Si kliyan an bezwen yon moun palé nan radyo pou li ke kliyan sa pran yon konpayi relasyon piblik pou fè travay sa pou li. Kliyan sa ke mèt Dorval genyen e tap palé de li se oligak Dimitri Vorbe. An Ayiti oligak yo gadé yon sosyo pwofesyonèl kap travay pou yo tankou restavèk yo ki dwé swuiv yo tèt bese nan tout sa yap fè. Mèt Dorval yon gwo entelektyèl ki gen karaktè pat nan rans sa yo. Vekse de répons mèt Dorval bay nan radyo a kòm yon ti frékan, ti oligak Dimitri Vorbe ki pat aksépté frekansite sa fè touyé mèt Dorval nan aswè. Nap rapelé tou André Michel te menasé mèt Dorval pou menm rézon an. Apré krim nan lè lajistis tap chaché yon avoka pwòch Dimitri Vorbe ki ta asosye avèk li nan krim sa, avoka sa tal kaché nan peyi la France.

https://x.com/DjovanyMICHEL01/status/1851106997493497859

Dwèt te lonje sou mèt Guerby Blaise yon pwotéjé politik Dimitri Vorbe kòm youn nan moun ki ta enplike nan krim nan lan. DCPJ te konvoké li men jiskaprezan pagen anyen seryé ki fèt sou dosyé asasina mèt Monferrier Dorval. Dayè asasen yo voyé gang kase pakè pòtoprens pou fè dosyé mèt Dorval la disparèt. Pou plis détay gadé sa: https://haiti24.net/assassinat-de-me-dorval-un-autre-avocat-invite-a-la-dcpj/

28 Out 2020 Dimitri Vorbe fè touyé mèt Dorval menmjan Dimitri Vorbe fè touyé Prezidan Jovenel Moïse 7 Jiyè 2021 nan Pelerin. Menmjan apré asasina Prezidan Jovenel Moïse, ti oligak kriminèl la fè anpil pwopagand divèsyon pou lajistis pa rivé sou li, Vorbe fè menm pwopagann divèsyon yo nan asasina mèt Monferrier Dorval.

Jean Bertrand Aristide, Milien Romage, Dimitri Vorbe, André Michel ak lòt asasen yo dwé péyé pou krim sa yo. Jodia Ayiti gen yon léta kote asasen chèf e kote mafya jidisyè a nan men yo. Réjim ki la se yon réjim kote se asasen kap ékri  desizyon pou lajistis..Yon jou sa gen poul chanjé. Lè sa viktim yo ap jwen jistis. Kriminèl yo malgré kòb yo lagé atè a pap kapab efasé mémwa viktim yo.