🛑🇭🇹👆🏿👀Kriminèl yo pap chanjé jiskaske peyi a levekanpe pou bayo bwa kalé

Pa anbasadè Stanley Lucas

Asasen yo bay manti toupatou an Ayiti e aletranje pou yo te ka rivé touyé Prezidan Jovenel Moïse. Yo tèlman bay manti Prezidan Jovenel Moïse pou sal karaktèl ke li te eksplike kijan kriminèl yo ki fè pati de sistèm nan dyabolizel ak kout manti poutèt li pran kòb léta pou bati wout, konstwui lekòl pou pitit pèp la, mete kouran, édé agrkilti, fè baraj marion, konstwui aewopò Jeremie, lopital Ofatma Podepè elatrye. Tout manti sa yo sou do Prezidan Jovenel se paske li réfizé remèt kòb leta bay oligak ak politisyen abolocho, anakopopilis ki restavèk oligak. Tande jan prezidan tap eksplike sa tape la 👇🏿:
https://youtu.be/qczKnPy-Wt0?si=FKumv7VnNKuURG5f

Jodia oligak, politisyen kriminèl yo ak restavèk 100 mil goud pansé yo ka rekòmanse bay manti ankò pou lajistis pa maré yo pou krim odye yo fè 7 Jiyè 2021 kont nasyon an. Yo pansé ak kout manti yo rekòmanse yo ka rive touyé Martine Moïse menmjan yo touyé Prézidan Jovenel. Yo twonpe yo. Yap resi pran bwa kalé.

Kriminèl ki touyé prezidan an ap esayé diskredite tout verite teknik, syantifik kap sòti nan tribinal federal Miami. Prèv sa yo lonje dwèt sou plizyè kriminèl SDP, lavalas, Verite-Inite, pitit Dessalines, ansyen prezidan ki patisipe nan touye Prezidan Jovenel e tire Premyè Dam Martine Moïse 7 Jiyè 2021.

Je pèp la kale manti ak montaj kriminèl yo pare, envante pap kapab ateri. Montaj ak teyat kriminèl yo tap prepare ak jij koupyon kou dapèl pòtoprens e sipò Pierre Espérance, André Michel, Kato pap pasé. Majistra ki konnen Denis Cyprien byen gentan di li se pi gwo volè tè nan vivi michel. Yo ajouté koripsyon Denis Cyprien nan dosye asasina Prezidan Jovenel Moïse ka menm rive kreye yon levekanpe nan mitan jij yo e nan mitan pèp la kont lajistis ke yo wè ki pouri e kriminèl.

Lajistis patisipe nan touye prezidan an e tire premyè dam nan. Gen 9 jij ak 2 komisè gouvènman ki enplike nan krim nan.

Nivo teknik e syantifik tribinal federal Miami kap mété tout kakachat deyò enève asasen yo. Tout prèv blayi nan tribinal la, kopi mesaj WhatsApp, foto, video, sms, odyo, dokiman, rapò doktè elatrye ki idantifye kriminèl yo avèk presizyon e sètitid. Sa deranje asasen yo anpil.

Pou lapremyè fwa dépi 57 mwa asasen yo gen tèt fèmal yo paka dòmi. Kè yo sou biskèt. Yo wè lajistis a maché sou yo.

Temwayaj doktè Steve Kalandyak ki opere Premyè Dam Martine Moïse plizyè fwa nan Jacksonville hospital nan Florida nan tribinal federal Miami ki bay laverite fè kriminèl yo anraje. Doktè sa eksplike bay Jij Jacqueline Becerra konbyen bal Martine Moïse resevwa. Li bay tout détay sou dega bal sa yo fè sou kò li. Li eksplike jiskasprezan 57 mwa apré ansyen premyè dam nan toujou gen plizyè moso bal nan kò li ke yo poko ka rétiré poutèt konplikasyon medikal. Temwayaj doktè Kalandyak fè pèp la wè kalte manti pwopagandis asasen yo tap fè nan radyo.

Pwopagandis 100 mil goud kap travay pou bay manti pou oligak ak politisyen kriminèl ki touye prezidan anraje. Yo pat janm pansé ke verité sa tap sòti yon jou nan yon tribinal. Dayè pou kriminèl sa yo Martine pat dwe vivan.

John Joel Joseph eksplike tou nan tribinal federal Miami koman pastè Christian Emmanuel Sanon anraje sou li lè li aprann Martine vivan toujou malgré li resevwa plizyè bal. Temwayaj nan tribinal la revele tou jan Pastè Christian Emmanuel Sanon te enève paske kanpay manti li te mandé fè kont Martine nan radyo potko kòmanse. Sa te tèlman enève pastè Sanon ke John Joel Joseph di li fèmen telefon nan sou li. Anpil moun sézi lè yo tande temwayaj sa nan tribinal la kote yo wè jan pastè Sanon kriminèl.

Aprè krim nan asasen yo te pansé yo te ka rekòmanse bay manti nan mikro radyo epi sèvi ak kèk jij koupyon e kriminèl nan pouvwa jidisyè a pou rekòmanse detwui moun an Ayiti. Yo chire! Asasen yo te pansé aranjman ak manipilasyon yon kriminèl tankou Esperance nan radyo e kapasite manipilasyon li genyen nan lajistis tap sifi pou édé kriminèl yo. Yo chire!

Violans, manti nan radyo ak manipilasyon kèk Jij kriminèl paka maché ankò. Je pèp la kale, je pèp la louvri e pèp la ap véyé yo. Lajistis kowonpi Ayiti pap kapab blanchi kriminèl ankò. Tribinal Fedéral Miami mété jij kowonpi Ayiti ki tap jere dosyé asasina Prezidan Jovenel Moïse toutouni nan lari.