⛔👆🏿👀Men list tantativ koudeta sistèm nan ap pare pou 7 Fevrier 2026

Pa Anbasadè Stanley Lucas

7 Fevrier 2026 ap fè 40 an dépi sistèm ki la ap detwui péyi dayiti. Sa pral fè tou 55 mwa depi kèk oligak (Boulos, Vorbe, Bigio) ak politisyen kriminèl touye Prezidan Jovenel Moïse e tire Premyè Dam Martine Moïse. Kòm asasen ki fè krim sa pran kontwòl pouvwa egzekitif ak pouvwa jidisyè dépi 55 mwa yap pwoteje kriminèl yo. Se lajistis meriken ki kondane John Joel Joseph ak Rodolfe Jaar. Tout peyi a konnen kiyès ki oligak ki bòss yo ki patisipe nan asasina sa.

Kowalisyon ki touye Prezidan Jovenel Moïse enstale kòm premye minis Ariel Henry ki enplike jis nan kou nan krim sa. Lamenm Ariel pral mete 6 moun pal nan konsèy siperyè pouvwa jidisyè (CSPJ) e 8 jij nan kou kasasyon pou lajistis pa rive sou li. Gadé sa: https://rezonodwes.com/?p=331025

An 2024 nan chaché plis pouvwa ak kòb, kont pete nan mitan kowalisyon ki touyé Prezidan Jovenel. Yo mete Ariel Henry deyò primati. Kòm youn pa fè lòt konfyans e kòm tout tap chache manje yo fè CARICOM rantré nan zafè politik peyi a pou kreye yon prezidans 7 tèt ki pa ekziste nan konstitisyon an.

22 mwa pasé, tan 7 konsèye prezidan ak premye minis Fils-Aimé ki gen 15 mwa nan primati ap fini. Akò ke yo siyen an pou pran pouvwa an Avril 2024 di yo pap kapab ni pwolonje, ni renouvele tèt yo nan tèt léta apré 7 Fevrier 2026.

Mete sou sa, bilan yo katastròfik. An 22 mwa gen 13 mil 200 ayisien ki asasinen pa bal, a kout manchèt anba gang a kravat e a sapat ki fè pati de 4 etaj ensekirite a. Sa fè 600 moun ki tonbé pa mwa pandan KPT ak Fils-Aime nan tèt léta a.

Pandan yap dirije leta, gen 14 masak ki fèt e 3 lopital ki boulé sou lidèchip yo. Kanta pou ayisien ki pran bal, ki kidnape, ki vyolé, chif yo katastrofik.

Pandan malè sa yo tap détwui lavi pèp la, tout otorite sa yo tap volè. Endiferans yo montré pou 6 milyon ayisien ki nan grangou, 3 milyon moun ki déplasé e 1.5 milyon moun kap viv nan yon sitiyasyon deplorab nan kan, kreye anpil kòlè nan mitan popilasyon an.

Sakpirèd, nan koripsyon yo séparé entre yo prèske 800 milya goud kòb leta. Pèp la pa vle wè oligak ak lidè politik sa yo ki toupatou nan tèt léta a.

Se nan kontèks sa gen plizyè tantativ koudeta kap prepare nan biwo leta ak sal konferans plizyè lotèl nan Petyonvil.

Nan reyinyon sa yo gen menm oligak yo, menm lidè politik yo, ansyen palmantè, militan ak jounalis kap chaché manje. Yo ta renmen rete nan tèt léta a avi.

Pèp la pa pran youn oserye. Gen moun sou twitè kap pasé yo nan bètiz. Gadé sa ⬇️:

Pa dèyè blan yo ap pran nòt pandan yap deplwaye kapasite militè yo pou fè fas a nenpòt ki sitiyasyon 7 Fevrier. Yap pare tou pou défann enterè yo menm lè tout moun konnen yo pa janm jere byen sitiyasyon sa yo lè ou konsidere Iran, Irak, Somali, Lybi, Afghanistan. Li twò bonè pou w di kijan Venezuela ap fini.

Pèp la kanpé lwen tout konplo politik ak koudeta sa yo. Pèp la ap reflechi si li dwe pran kontwòl lari a 7 Fevrier. Si sa rive tout aktè politik ak blan yo ap nan kouri. Si pèp la pran lari lap gen posibilite rekipere pouvwa li e kraze yon sistèm brital peze souse ki la dépi 40 lané.

Anatandan sak pou rive a rive, men tantativ koudeta kap pare:

–Tantativ koudeta a KPT: Alyans Leslie Voltaire, Aristide (lavalas), Michel Martelly, Liné Balthazar, Ariel Henry, Pierre Antoine Louis (PHTK), Gérard Gilles (NOULAH), Edgard Leblanc (OPL), Fritz Jean (Montana). Gen kèk oligak ki kaché pa dèyè ki nan tantativ koudeta sa tou. Yo vle kenbe pouvwa a ak 4 manb KPT. Gen 3 kap laprezidans epi 1 a premye minis. Goumen pete nan mitan yo nan diskisyon pou separasyon pouvwa;

–Koudeta Laurent St Cyr, Didier Fils-Aimé ak oligak gwoup makaya: Tantativ koudeta sa gen 2 opsyon ladanl. Oligak gwoup makaya yo ki tou nan konsèy administrasyon bank inyon (BUH) ta renmen kenbe pouvwa léta ak Laurent St Cyr (laprezidans) e Didier Fils-Aime (primati) apré 7 Fevrier. Kòm sa bay pwoblèm yap kenbe Fils-Aime sèlman. Barrau, Bigio, Faubert elatryé fon nan tantativ koudeta sa. Anbasad meriken deside yap maché ak Fils-Aime. Verifye la: a. https://www.facebook.com/share/p/1ECempy2MU/
b. https://cepr.net/publications/private-sector-assumes-control-of-haitian-state/

–Koudeta kou kasasyon : Andedan kou kasasyon gen 3 Jij k ap goumen pou prezidan pwovizwa malgré konstitisyon an di dépi 2012 jij kasasyon pa kapab prezidan pwovizwa ankò an Ayiti. Tantativ koudeta kasasyon ki pi parèt se tantativ koudeta Jij kasasyon Jean Joseph Lebrun ki kore pa Zokiki, Simon Desras, Ariel Henry, Pierre
Ékip depite Pierre Martin Tatoute ap chaché fè koudeta kasasyon pa yo ak jij Barthelmy Altenor. Gen yon lòt koudeta kasasyon ki kanpé dèyè jij Lesley Jules. Nan nouvo diskisyon politik nom jij Frandy Philémon site. Kasasyon tounen yon enstitisyon totalman politik ki nan koudeta pèmanan.

Yo pare pou chanje premye minis chak 2 mwa. Gang Viv Ansanm ap kore tantativ koudeta kasasyon sa. Gen yon sitwayen kanadyen Jean Pierre Bailly ki se yon espyon Kanada an Ayiti ki gen yon jij kasasyon nan pòch li. Pèson pa pran sa oserye. Tandé gang kap kore koudeta sa:
https://youtu.be/7UI9Ue5wBAg?si=fYylHCRLNxgv7PCW

–Koudeta konsèy siperyè pouvwa jidisyè (CSPJ): Se ansyen komisè gouvènman Francisco Renée ki dèyè koudeta sa;

–Koudeta ofis pwoteksyon sitwaywen (OPC): Se Pierre Espérance (RNDDH) ak Jij koupyon Jean Wilner Morin ki te manipile dosyé la saline nan ki dèyè koudeta sa. Gadé teyat yo te monte pou laprès ⬇️: https://youtu.be/cbRUL_UlGpk?si=Vhv4xEo7QWgSWsPC

–Koudeta koudèkont: Gen 2 jij koudèkont ki ta renmen prezidan pwovizwa dayiti. Yo di se Gédeon Jean ki kaché déyè yo ak yon jounalis trè konu. Nou pa rivé verifye sa. Se menm Gédéon Jean sa ki tal esayé sèvi a koudèkont pou li te remète jij koupyon Wendelle Coq nan kou kasasyon apre libte gen avi rechèch lapolis e lajistis dèyè li apré li patisipe nan touye Prezidan Jovenel Moïse 7 Jiyè 2021. Gadé sa ⬇️:
https://youtu.be/8RD4z7rWPnw?si=suUIrI4Ls57NRnlO

Koudeta Montana: Se lavalas ki kaché dèyè koudeta sa via Ted St Dic. Lavalas nan 3 tantativ koudeta, youn nan KPT ak gwoup 5 ki revoke Fils-Aimé, youn nan kasasyon epi Montana. Yo konte sou yon blan Washington ki se ansyen fonksyonè depatman deta.
Pa bliyé Aristide kontwòle 60 pousan gang Viv Ansanm. Yo pare pou fè violans.

Jwèt la make san. Plizyè sektè ap pare pou goumen. Blan an li pare tou.

Men si pèp la pran lari 7 Fevrier match la fini. Si sa rive pèp la pran lari tout moun sa yo ki fè pati de koudeta sa yo pou sistèm nan ap nan kouri.