🛑🆘 47 mwa apré asasen ki touyé Prezidan Jovenel Moïse yo nan KPT, Primati ak nan lajistis.

Pa Anbasadè Stanley Lucas

Genyen yon Kowalisyon kriminèl ki gen yon sektè ekonomik e 5 sektè politik ki touyé Prezidan Jovenel Moïse 7 Jiyè 2021, gadé sa ⬇:

1. https://sefirot24.com/2025/03/07/lis-pasyel-asasen-ki-patisipe-nan-touye-prezidan-dayiti-jovenel-moise-7-jiye-2021-ak-konplis-kap-sabote-lajistis/
2. https://youtu.be/qfSaJj9FQyU?si=pIZowuraHu5YPXe0

Kowalisyon kriminèl sa sèvi ak gang pou fè violans peyi lòk a pati de 2018 pou destabilize gouvènman Prezidan Jovenel Moïse, gadé la ⬇:
https://youtu.be/FsVDKWe6sJ4?si=KrokOalwQxlqQPAK

Mè kijan oligak yo pral pran kontwòl primati
Apre nouvèl krim nan fin gaye, lè nèg yo wè lajistis kòmanse maché sou oligak asasen tankou Dimitri Vorbe, Réginald Boulos, Jean Mary Vorbe ak politisyen kriminèl tankou Jerry Tardieu, Stevens Benoit, Antonio Chèramy alias Kato pou enplikasyon yo nan touyé Prezidan Jovenel Moïse e tiré Premyè Dam Martine Moïse, yo sèvi ak blan ki enplike nan krim nan, Helen Lalime pou mete Ariel Henry ki patisipe nan touye prezidan an premye minis, gadé sa a ⬇:

Apresa oligak yo pral sèvi ak Ariel pou revoke Rockefeller Vincent minis jistis Prezidan Jovenel ak komisè gouvènman pòtoprens Bedford Claude pou bloke, saboté e manipilé ankèt sou krim odye sa.

Walther Wesser Voltaire yon Jij kowonpi
Avèk kontwòl primati a e ministè lajistis yo pral nonmen 6 malandren Nan CSPJ, 8 nan kou kasasyon, dwayen tribinal premyè enstans pòtoprens epi pral mete Walther Wesser Voltaire yon Jij enstriksyon ki sòti nan youn nan pati politik ki patisipe nan touye prezidan an Verite-Inite anchaj ankèt la. Sa vlé di asasen ki touyé Prezidan Jovenel Moïse pran kontwòl pouvwa ekzekitif ak pouvwa jidisyè pou ankete sou krim yo fè, gadé sa ⬇:

Ariel ak oligak yo ak minis jistis pa yo Bertho Dorce yon dilè dwòg ki se avoka oligak Dimitri Vorbe saboté ekstradisyon plizyè asasen ki enpliké nan krim nan ki te Jamaique, Turquie, Bahamas, Canada, Sendomeng.

A travè Walther Wesser Voltaire yon Jij enstriksyon koupyon ki soti nan pati politik pa yo Verité-Inité yo pral saboté e manipilé ankèt sou asasina Prezidan Jovenel Moïse. Tout peyi dayiti aprann menm rapò ankèt ak òdonans sou asasina prezidan an se André Michel ak Samuel Madistin, 2 restavèk oligak Reginald Boulos yon lòt asasen ki patisipé nan touyé prezidan an, ki ékri yo epi Jij koupyon Voltaire siyen yo. Se sou baz montaj sa yap fè téyat nan kou dapèl pòtoprens.

Tout peyi dayiti ak diaspora sézi wè Jij Emmanuel Lacroix, Jij Fremont Damesi, Jij Denis Cyprien, Komisè Gouvènman Rocky Pierre, Komisè gouvènman Claude Joseph, Komisè gouvènman Carlet Vincent nan kou dapèl pòtoprens réfizé poze kesyon sou kiyès ki finansé, péyé 20 milyon dola vèt pou touyé Prézidan Jovenel Moïse. Koté bagay la vinn lèd anpil se lè nan répons youn nan moun ki enpliké nan krim nan Felix Badio Joseph kòmanse palé de wòl Pierre Espérance, Komisè gouvènman Claude Jean olye li kontinye chaché lavérité, li réaji tankou se avoka Pierre Espérance li yé e esayé fèmem bouch Badio. Jodia peyi a konnen se Pierre Espérance ki sèvi ak Jij koupyon Jean Roger Noëlcius pou fè manda ilegal kont Prezidan Jovenel Moïse ki sèvi pou fè tantativ koudeta, tantativ touyé l e touyé l 7 Jiyè 2021.

Mèt Aspil Magloire yo militan dwazimen yo asasinen
Dokiman pwosè lòt asasen ki enplike nan touye Prezidan Jovenel Moïse nan tribinal Florida montre klèman koripsyon Jij Walther Wesser Voltaire e koripsyon ak manipilasyon nan kou dapèl pòtoprens. Sa repiyan anpil pou konstate jan otorité pouvwa jidisyè nan fon nan koripsyon pou pwotéjé oligak ak politisyen kriminèl. Nou pap menm palé de manda, papye ekstradisyon, rekizitwa sipletif elatrye yo fè disparèt ansanm ak temwen yo touyé pou yo pa palé pandan 47 mwa apré krim nan. Malgre tout prèv ki ekziste, malgre deklarasyon 2 prezidan kolonbi Ivan Duque e Gustavo Pétro, malgre kòmandan solda kolonbi yo Antonio Palacios Palacios rekonèt ke li ak solda kolonbi ki nan prizon Ayiti touye Prezidan Jovenel, kowalisyon asasen ki nan KPT ak Jij koupyon yo te vle lage pou kòb an Janvye 2025 solda kriminèl kolonbi yo pèp la te maré 7 Jiyè 2021. Lè yo wè yo te ka pran bwa kalé pousa nan men pèp la Leslie Voltaire, minis jistis kowonpi Patrick Pelissier sètoblije ralé yon bak.

Lè mèt Aspil Magloire gwo militan dwazimen denonse verite sa yo kriminèl yo, asasen Prezidan Jovenel Moïse yo touye l e boulé kò li, tandé ⬇:

Jodia malgre tout manipilasyon yo, li klè ke pèp peyi dayiti ak diaspora a konnen 85 pousan kriminèl ki enplike nan touye Prezidan Jovenel Moïse, gade list pasyèl la ⬇:https://sefirot24.com/2025/03/07/lis-pasyel-asasen-ki-patisipe-nan-touye-prezidan-dayiti-jovenel-moise-7-jiye-2021-ak-konplis-kap-sabote-lajistis/

Lè pèp la sòti pou krazé sistèm nan e voye KPT kowonpi ak Fils-Aime vòlè ale, asasen yo ki kontwòle leta jodia ap chaché fè yon nouvo koudéta ak Jij kou kasasyon. Nan kowalisyon koudeta kasasyon ou jwen Jij koupyon Ariel Henry te mete yo ansanm ak Jij ki ede fè rezolisyon pouvwa jidisyè pou tantativ koudeta ansanm ak asasina fèt.

Andedan kowalisyon koudeta kasasyon an ou jwen tou ansyen palmantè ki nan gang ak teworis Viv Ansanm yo, tande ⬇:

Yo panse pèp peyi dayiti egare. Tout moun konnen depi konstitisyon an te amandé an 2012 Jij kou kasasyon pa kapab prezidan pwovizwa ankò. Yo te retire l paske twòp Jij kou kasasyon te rantré nan lojik destabilize Ayiti pou fè koudeta ak politisyen. Se pousa an 2016 lè manda Prezidan Michel Martelly fini se palman an ki te fè eleksyon endirèk pou mete yon prezidan pwovizwa ki te Jocelerme Privert. Atik 149 la klè si pa gen yon palman pou mete yon prezidan pwovizwa se yon premye minis ak minis yo ki dwe dirije pouvwa ekzekitif la jiskaske eleksyon pou prezidan fèt.

Ekip gang ak kravat yo te prepare plizyè koudeta
Gen plizyè lòt koudeta asasen prezidan an ap pare: Genyen koudeta Fils-Aimé ak oligak yo kap chaché voyé KPT a alé pou rété poukont li, gen koudeta andedan KPT ak Laurent St Cyr ak gwoup prive Macaya kap chache gen yon KPT 3 manb ak Caricom kote yap chaché yon prolongasyon 2 zan, blan globalis kowonpi, oligak blakawout ak Privert ap chaché fè koudeta pou tounen ak kouzen Martelly ki se Jean Max Bellerive. Privert, Bellerive se 2 pyon dominiken. Pa bliye tou Privert ki se sekretè privé oligak Jean Mary Vorbe te di nèg épé a an 2018 li tap touyé Prézidan Jovenel Moïse kanmenm. Pou w ka komprann pi byen tande sak sou video sa yo.

Aristide ap chache fè koudeta pa l tou a travè Montana. Pèp la rejete tout koudeta sa yo. Sèl solisyon an se tounen nan atik 149 konstitisyon amandé a pou gen yon premye minis ak minis ki pran kontwòl pouvwa ekzekitif la. Gouvènman sa pou l réyisi pa dwe nan gang. Fòk manb gouvènman sa gen karaktè, kouraj ak konpetans pou kanpé anfas gang blan, oligak, politisyen kap saboté Ayiti. Kowalisyon gang ak kravat yo ki nan leta e sak nan lòt koudeta yo mete tout grif yo deyò pou peyi pa rive gen yon gouvènman konsa.

Mastèbrenn ak asasen pa ka efase verite : lajistis gen pou l triyonfe
Malgre tout manipilasyon jidisyè ak vyolans kowalisyon gang asasen ki touyé Prezidan Jovenel Moïse ap fè depi 47 mwa, yo p ap kapab efasé verite a sou krim sa ki afekte nasyon an ak diaspora a menmjan oligak yo ak restavèk yo pa t ka efase verite a sou asasina anperè Jean Jacques Dessalines ki te reparèt nan figi yo, 50 lane apre, malgre yo te touye tout ofisye nwa ki te pwòch Dessalines yo. Wè pa wè lajistis gen pou li triyonfe.

Annatandan, lakou dapèl potoprens relokalize ofisyèlman nan puits blain aprè atak nèg ak zam nan zòn pacot nan mwa avril pase a, okenn medya pat envite pou asiste a seremoni sa. Jodia 26 Mai 2025 téyat la te kontinye nan kou dapèl. Fòk ou ta wè jan oligak yo ak Pierre Espérance ki gen kontwòl tribinal la fè fèmen bouch Félix Badio Joseph nèt. Nan séyans sa Jij prensipal la anpéché Badio palé. Wa di Jij kou dapèl yo resevwa yon lòd maché présé pou bouklé maskarad yap fè a paské peyi a wè klè. Men yon ekstrè séyans maskarad la⬇️:
https://youtu.be/EjrjxYRySrw?si=0MbY-AgU4Kkhgmnq

Youn nan solda mèsenè kolonbi pou pasé Ayiti nan betiz deklaré li te rive nan lakou kay prezidan péyi a jou krim nan men li pat rantré nan kay la. M te kwè Ariel Henry ak Leslie Voltaire te gentan fè konprann solda sa yo pat gen anyen pou yo te wè ak asasina prezidan an? M te kwè menm kou dapèl sa tap ranjé kò l an janvye pou lagé solda kriminèl yo.

Deklarasyon solda mèsenè kolonbi fè jodia konfime sa kòmandan yo Antonio Palacios Palacios di nan tribinal Florida, yo tout patisipe nan touyé prezidan dayiti. Sakpase nan kou dapèl pòtoprens lèd.

Anpil moun veksé jan lajistis bésé ba atè pou jan yap jéré nan tribinal la asasina 58em prezidan dayiti. Mesye kou dapèl sa yo ap pasé mal devan listwa. Dekadans pouvwa jidisyè a total. Yon gwo pati nan pouvwa jidisyè a ap antéré Ayiti nan asosyasyon li genyen avèk oligak e politisyen kowonpi e asasen. Yon chanjman radikal nesesè pou sové Ayiti ak jenerasyon fiti yo.